എസ്എസ്എൽസി പരീക്ഷ നാളെ
ആരംഭിക്കും.ഒരുക്കങ്ങൾ പൂർത്തിയായതായി
വിദ്യാഭ്യാസമന്ത്രി വി ശിവൻകുട്ടി അറിയിച്ചു . കേരളത്തിലും ഗൾഫിലും ലക്ഷദ്വീപിലുമായി 2971 പരീക്ഷാ
കേന്ദ്രങ്ങളാണുള്ളത്. 4.27 ലക്ഷം വിദ്യാർത്ഥികളാണ് സംസ്ഥാനത്ത് എസ്എസ്എൽസി പരീക്ഷ എഴുതുന്നത്. കേരളത്തിൽ മാത്രം 2955 കേന്ദ്രങ്ങളുണ്ടെന്നും മന്ത്രി പറഞ്ഞു.
48 കേന്ദ്രത്തിലായി 2811 പേരാണ് ടിഎച്ച്എസ്എല്സി വിഭാഗത്തില് പരീക്ഷ എഴുതുന്നത്. ചെറുതുരുത്തി കലാമണ്ഡലം ആർട്ട് ഹയർ സെക്കൻഡറി സ്കൂളില് 60 പേർ പരീക്ഷ എഴുതും. എസ്എസ്എല്സി (കേള്വി പരിമിതർ) വിഭാഗത്തില് 29 പരീക്ഷാകേന്ദ്രത്തിലായി 224 പേരും ടിഎച്ച്എസ്എല്സി (കേള്വിപരിമിതി) വിഭാഗത്തിലെ രണ്ടു കേന്ദ്രത്തിലായി എട്ടു പേരുമുണ്ട്. പരീക്ഷ 25ന് അവസാനിക്കും. ഉത്തരക്കടലാസ് മൂല്യനിർണയം ഏപ്രില് മൂന്നുമുതല് 20 വരെ രണ്ടു ഘട്ടത്തിലായി 70 ക്യാമ്ബില് നടക്കും.