കാട്ടാക്കടയില് യുവാവ് കുത്തേറ്റ് മരിച്ചു. കാട്ടാക്കട എള്ളുവിള സ്വദേശി രാഹുല് (24) ആണ് മരിച്ചത്.
ഇന്നലെ രാത്രി 11 മണിയോടെ കാട്ടാക്കാട കിള്ളി രാജശ്രീ ഓഡിറ്റോറിയത്തിന് സമീപത്തായിരുന്നു സംഭവം.രാഹുലും മറ്റൊരാളും തമ്മിലുള്ള തർക്കമാണ് കൊലപാതകത്തില് കലാശിച്ചത്. ഇരുവരും മദ്യലഹരിയിലായിരുന്നു.
ബാറില് വെച്ചും ഇരുവരും തമ്മില് തർക്കമുണ്ടായിരുന്നു. താക്കോല് കൊണ്ട് ഒപ്പമുണ്ടായിരുന്നയാള് രാഹുലിൻ്റെ വാരിയെല്ലിന് സമീപത്തായി കുത്തുകയായിരുന്നു.തുടർന്ന് രാഹുലിനെ കാട്ടാക്കട മമല് ആശുപത്രിയിലും പിന്നീട് മെഡിക്കല് കോളജിലും എത്തിച്ചെങ്കിലും ജീവൻ രക്ഷിക്കാനായില്ല.