ഓയൂര്‍: ഭാര്യയെ കൊല്ലാന്‍ ശ്രമിച്ച യുവാവ് പിടിയില്‍. നാട്ടുകാര്‍ വിവരം അറിയിച്ചതിനെ തുടര്‍ന്നാണ് പൊലീസ് ഇയാളെ അറസ്റ്റ് ചെയ്തത്കായംകുളം ദേവികുളങ്ങര ജെനി കോട്ടേജില്‍ ജോബി ജോര്‍ജിനെയാണ് പൂയപ്പള്ളി പൊലീസ് അറസ്റ്റ് ചെയ്തത്.
യുവതിയെ കഴുത്തില്‍ ഷാള്‍ മുറുക്കി ഇയാള്‍ കൊല്ലാന്‍ ശ്രമിക്കുകയായിരുന്നു. ഒന്നര മാസം മുമ്പാണ് ഇവരുടെ വിവാഹം കഴിഞ്ഞത്. ഇരുവരുടേയും രണ്ടാം വിവാഹമായിരുന്നു.
സ്ഥിരമായി മദ്യപിച്ചെത്തുന്ന സ്വഭാവക്കാരനായ 29കാരനായ ഇയാള്‍ ഭാര്യയെ ഉപദ്രവിക്കുന്നത് പതിവായിരുന്നു എന്ന് നാട്ടുകാര്‍ പറയുന്നു. കൂടാതെ എയര്‍ഗണ്‍ ഉപയോഗിച്ച് വധഭീഷണിയും ഉണ്ടായിരുന്നു.
കഴിഞ്ഞ ദിവസവും ഭാര്യയെ തോക്കുചൂണ്ടി ഭീഷണിപ്പെടുത്തി. തുടര്‍ന്ന് കഴുത്തില്‍ ഷാള്‍ മുറുക്കി കൊല്ലാന്‍ ശ്രമിക്കുകയായിരുന്നു. ബഹളം കേട്ടെത്തിയ നാട്ടുകാര്‍ പൊലീസില്‍ വിവരം അറിയിക്കുകയായിരുന്നു.
തുടര്‍ന്ന് സംഭവസ്ഥലത്ത് പൊലീസെത്തി ഇയാളെ കസ്റ്റഡിയിലെടുത്തു. എസ്‌ഐ അഭിലാഷ്, എഎസ്‌ഐ ചന്ദ്രകുമാര്‍, സിപിഒമാരായ മുരുകേഷ്, മധു എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
