യുഎഇ ദേശീയ ദിനത്തോടനുബന്ധിച്ച് വാഹനം അലങ്കരിക്കുന്നതിന് മാര്‍ഗനിര്‍ദേശവുമായി അബുദാബി പൊലീസ്. നിയമവിരുദ്ധമായി വാഹനങ്ങള്‍ അലങ്കരിക്കുന്നവര്‍ക്കെതിരെ നടപടി സ്വീകരിക്കുമെന്ന് അധികൃതര്‍ അറിയിച്ചു.നാളെ മുതല്‍ അടുത്തമാസം ആറുവരെ ദേശീയദിനാഘോഷങ്ങളുടെ ഭാഗമായി പൊതുജനങ്ങള്‍ക്ക് വാഹനങ്ങള്‍ അലങ്കരിക്കാനുളള അനുമതിയുണ്ട്.
ദേശീയ ദിനാഘോഷങ്ങളുടെ ഭാഗമായി വാഹനങ്ങള്‍ അലങ്കരിക്കുന്നവര്‍ക്കുളള മാര്‍ഗനിര്‍ദേശങ്ങളാണ് അബുദാബി പോലീസ് പുറത്തിറക്കിയിരിക്കുന്നത്. വാഹനത്തിന്റെ സ്വാഭാവികത നഷ്ടപ്പെടുത്തുന്ന തരത്തില്‍ എഞ്ചിനിലോ ഘടനയിലോമാററം വരുത്തരുത്. ഒപ്പം ഡ്രൈവറുടെ കാഴ്ച മറയും വിധമോ നമ്പര്‍ പ്ലേറ്റ് മറയത്തക്ക വിധമോ അലങ്കരിക്കരുതെന്നും പോലീസ് വ്യക്തമാക്കി. വാഹനങ്ങള്‍ ട്രാഫിക് നിയമങ്ങള്‍ ലംഘിക്കുന്ന തരത്തില്‍ ഉപയോഗിക്കരുത് കൂടാതെ ടാക്‌സി, ബസ്, സ്വകാര്യ വാഹനങ്ങള്‍ എന്നിവയുടെ സഞ്ചാരം തടസപ്പെടുത്തരുതെന്നും നിര്‍ദേശം വ്യക്തമാക്കുന്നുണ്ട് .
തലസ്ഥാനത്തിന്റെ മുഖം മിനുക്കാൻ റിങ്റോഡ് പദ്ധതിയും, വിഴിഞ്ഞം-നാവായിക്കുളം റിങ്റോഡ് പദ്ധതിയെക്കുറിച്ച് കൂടുതലറിയാം
https://www.facebook.com/varthatrivandrumonline/videos/716913406086020
