ധ്വനി’22 കോവി‍ഡിന്റെ നിഴൽ നീങ്ങി. ധ്വനി വീണ്ടുമെത്തുന്നു. രണ്ട് വർഷത്തെ ഇടവേളയ്ക്കു ശേഷം CET (കോളജ് ഓഫ് എൻജിനീയറിംഗ്, തിരുവനന്തപുരം) അതിന്റെ വാർഷിക സാംസ്കാരിക ഉത്സവമായ ധ്വനി മെയ് 20 മുതൽ 22 വരെ സംഘടിപ്പിക്കുന്നു. ഹബ്ബ ഇൻഡി (Habba Indie) എന്നതാണ് ഈ വർഷത്തെ ധ്വനിയുടെ തീം. എല്ലാ സ്വതന്ത്ര കലാകാരന്മാരുടെയും പുനരുജ്ജീവിപ്പിച്ച അവരുടെ കലയുടെയും ആഘോഷമാണ് ഹബ്ബ ഇൻഡി. ധ്വനി’22 അതുല്യമായ പ്രീ-ഇവന്റുകളുടെയും പ്രകടനങ്ങളുടെയും മത്സരങ്ങളുടെയും പ്രോ-ഷോകളുടെയും ഒരു നിര തന്നെ വാഗ്ദാനം ചെയ്യുന്നു. ഔദ്യോഗിക ധ്വനി വെബ്സൈറ്റ് (dhwanicet.org) വഴി രജിസ്ട്രേഷൻ നടത്താം.ഔദ്യോഗിക ഇൻസ്റ്റാഗ്രാം ഹാൻഡിൽ (dhwani_cet).
Haven – ലൈവ് സ്റ്റേജ്
ധ്വനി’22ന്റെ ഭാഗമായി നടത്തുന്ന ഒരു ഓപ്പൺ മൈക്ക് ഇവന്റാണ് Heaven. ഹേവൻ സിഇടിക്കാർ അല്ലാത്തവർക്ക് മാത്രമായി തുറന്നിരിക്കുന്നു. സ്റ്റേജിൽ ഏത് കലയിലും തങ്ങളുടെ കഴിവ് പ്രകടിപ്പിക്കാൻ കഴിയുന്ന ഏതൊരാൾക്കും- അത് സംഗീതമോ നൃത്തമോ മാന്ത്രികമോ മറ്റെന്തെങ്കിലുമോ ആകട്ടെ, സ്റ്റേജിലെത്തി ജനക്കൂട്ടത്തെ ആകർഷിക്കാൻ സ്വാഗതം ചെയ്യുന്നു.
ധ്വനി Flea
ധ്വനി 22 ന്റെ ഭാഗമായ ഫ്ലീ മാർക്കറ്റ് കച്ചവടക്കാർക്കും കരകൗശല വിദഗ്ധർക്കും അവരുടെ കലാസൃഷ്ടികളും കരകൗശലവസ്തുക്കളും ഉൽപ്പന്നങ്ങളും പ്രദർശിപ്പിക്കാനും വിൽക്കാനും വേദി ഒരുക്കുന്നു. ‘ഹബ്ബ ഇൻഡി’ എന്ന തീം, ചെറുകിട ബിസിനസ്സ് ഉടമകൾക്ക് അവരുടെ ഉപഭോക്തൃ അടിത്തറ വികസിപ്പിക്കാനും സ്ഥാപനം വളർത്താനും അവസരം നൽകുക എന്നതാണ് ഇതിന്റെ പ്രധാന ലക്ഷ്യം.
സ്പോട് ലൈറ്റ് – Spotlight
മെയ് 21, 22 തീയതികളിലാണ് സ്പോട് ലൈറ്റ്. ഹാസ്യ, മാജിക്, മായാ ഷോകളുടെ വിരുന്നാണ് സ്പോട് ലൈറ്റ്. മുൻവർഷങ്ങളിൽ പ്രഗൽഭർ അണിനിരന്ന ഈ സെഗ്മെന്റിൽ ഇക്കുറിയും ഏറ്റവും മികച്ച താരങ്ങളെയാണ് അണിനിരത്തുന്നത്. നിർമൽ പിള്ള – അഭിഷേക് കുമാർ ഹാസ്യദ്വയം, ബീറ്റ് ബോക്സർ ആർദ്ര സാജൻ, മെന്റലിസ്റ്റ് നർപത്ത് രാമൻ തുടങ്ങിയവർ അരങ്ങു കൊഴുപ്പിക്കാനെത്തും.
പ്രോ ഷോ
ധ്വനിയുടെ ഏറ്റവും കൂടുതൽ കാത്തിരിക്കുന്ന രാത്രികളാണ് പ്രോഷോകൾ, ഏറ്റവും ചടുലവും ചലനാത്മകവുമായ പ്രകടനങ്ങൾ അവതരിപ്പിക്കുന്ന ഏറ്റവും മികച്ച കലാകാരന്മാർ പങ്കെടുക്കുന്നു. ഈ വർഷത്തെ ലൈനപ്പിൽ സിംഗിംഗ് സെൻസേഷൻ ജോണിത ഗാന്ധി, അന്തർദ്ദേശീയ ഡിജെയും പ്രൊഡ്യൂസറുമായ: ഡിജെ കെവു, ഡിജെ റാവറ്റോർ പിന്നെ ഇൻഡി ബാൻഡ് ആയ പഗ്ലിയും ഉത്തുചേരുന്നു.
രംഗം
കോളജ് സാംസ്കാരികോത്സവമായ ധ്വനിയിൽ നടക്കുന്ന സിഇടി ഫിലിം സൊസൈറ്റിയുടെ പ്രധാന വാർഷിക പരിപാടിയാണ് രംഗം ഷോർട്ട് ഫിലിം മത്സരം. വളർന്നുവരുന്ന സംവിധായകർക്ക് ഷോർട്ട് ഫിലിമുകളുടെ സാധ്യതകൾ പര്യവേക്ഷണം ചെയ്യുന്നതിനുള്ള വേദി ഒരുക്കുക, എന്നതാണ് രംഗത്തിന്റെ ലക്ഷ്യം. സംവിധായകരായ അമൽ നീരദ്, കമൽ കെ.എം, അപ്പു എൻ ഭട്ടതിരി എന്നിവരടങ്ങുന്നതാണ് ഈ വർഷത്തെ ജൂറി. മികച്ച ഷോർട്ട് ഫിലിം, മികച്ച സംവിധാനം, മികച്ച തിരക്കഥ എന്നിവയ്ക്കാണ് അവാർഡ് നൽകുക.
DMUN
ഡിഎംയുഎൻ (ധ്വനി മോഡൽ യുണൈറ്റഡ് നേഷൻസ്) ഐക്യരാഷ്ട്രസംഘടനയുടെ ആകർഷകമായ സിമുലേഷനാണ്. സംസ്ഥാനത്തെ എല്ലാ ഭാഗത്തു നിന്നുമുള്ള പ്രതിനിധികൾ സംവാദത്തിൽ പങ്കെടുക്കുകയും വലിയ പ്രശ്നങ്ങൾക്ക് പ്രായോഗികമായ പരിഹാരങ്ങൾ കണ്ടെത്തുകയും ചെയ്യുന്നു. 2 കമ്മിറ്റികളായ ഇക്കോസോക്ക് (സാമ്പത്തിക സാമൂഹിക കൗൺസിൽ), എഐപിപിഎം (ഓൾ ഇന്ത്യ പൊളിറ്റിക്കൽ പാർട്ടി മീറ്റ്) എന്നിവ യഥാക്രമം ശ്രീലങ്കൻ പ്രതിസന്ധിയുടെയും ഇന്ത്യൻ ഫെഡറലിസത്തിന്റെ നിലയുടെയും പ്രശ്നങ്ങൾ ചർച്ചചെയ്യും.
അപ്ഡേറ്റുകൾക്കും ഇവന്റ് രജിസ്ട്രേഷനും www.dhwanicet.org സന്ദർശിക്കുക.
കപ്പലിൽ ജോലിക്കായി പോയ മകന്റെ തിരോധാനത്തിൽ ഞെട്ടി കുടുംബം, ദുരൂഹത ഉന്നയിച്ച് അച്ഛൻ
https://www.facebook.com/varthatrivandrumonline/videos/435269941620862
