കഴക്കൂട്ടം ചന്തവിളയില് കാറും സ്കൂട്ടറും കൂട്ടിയിടിച്ചുണ്ടായ അപകടത്തില് യുവാവ് മരിച്ചു. സ്കൂട്ടർ ഓടിച്ചിരുന്ന കൊല്ലം ചിതറ സ്വദേശി പ്രിൻസിലാല്(46) ആണ് മരിച്ചത്.ഇന്ന് പുലർച്ചെ ചന്തവിള ആമ്പല്ലൂരില് ആയിരുന്നു അപകടം. വിമാനത്താവളത്തില് നിന്നും കൊട്ടാരക്കര ഭാഗത്തേക്ക് പോയ കാറും കഴക്കൂട്ടത്തേക്ക് വരികയായിരുന്ന സ്കൂട്ടറും തമ്മിലാണ് കൂട്ടിയിടിച്ചത്.
പ്രിൻസിലാല് സംഭവസ്ഥലത്തു തന്നെ മരിച്ചു. മൃതദേഹം മെഡിക്കല് കോളജ് മോർച്ചറിയിലേക്ക് മാറ്റി. സംഭവത്തില് കഴക്കൂട്ടം പോലീസ് കേസെടുത്തു.