ആമസോണ്‍ അവിടെ കൂട്ടിയപ്പോൾ ഇവിടെ നിരക്കുകൾ കുറച്ച് നെറ്റ്ഫ്ലിക്സ്

ഇന്ത്യയിലെ പ്ലാൻ നിരക്കുകൾ കുറച്ച്‌ പ്രമുഖ ഒടിടി പ്ലാറ്റ്‌ഫോമായ നെറ്റ്‌ഫ്ലിക്‌സ്‌. നിലവിൽ 199 രൂപയായിരുന്ന മൊബൈൽ പ്ലാൻ 149 രൂപയായി. ടെലിവിഷനിൽ ഉപയോഗിക്കാവുന്ന പ്രാഥമിക പ്ലാൻ നിരക്ക്‌ 499 രൂപയിൽ നിന്ന്‌ 199 രൂപയുമായിയാണ്‌ കുറച്ചത്‌.

അതേസമയം ആമസോണ്‍ പ്രൈം തങ്ങളുടെ സബ്‌സ്‌ക്രിപ്ഷന്‍ നിരക്ക് കൂട്ടിയപ്പോള്‍, തങ്ങളുടെ എല്ലാ പ്ലാനുകള്‍ക്കും വില കുറച്ചിരിക്കുകയാണ് നെറ്റ്ഫ്‌ളിക്‌സ്. ആമസോണ്‍ പ്രൈമിന്റെ പുതിയ നിരക്കുകള്‍ പ്രകാരം, വാര്‍ഷിക പ്രൈം അംഗത്വത്തിന് 500 രൂപ അധികം നല്‍കേണ്ടിവരും. അതായത് ഇപ്പോള്‍ 999 രൂപ നിരക്കുള്ള വാര്‍ഷിക പ്ലാനിന് ഡിസംബര്‍ 13ന് ശേഷം 1499 രൂപയും 329 രൂപ നിരക്കുള്ള ത്രൈമാസ അംഗത്വ പ്ലാനിന് 459 രൂപയും നിലവില്‍ ഇന്ത്യയില്‍ 129 രൂപ നിരക്കുള്ള പ്രതിമാസ പ്ലാനിന് 179 രൂപയും ആയിരിക്കും. നിലവില്‍ പ്രൈം അംഗങ്ങള്‍ ആയവര്‍ക്ക് നിരക്ക് വര്‍ദ്ധനവ് ബാധകമല്ല. ആമസോണ്‍ പ്രൈമിന്റെ പുതിയ നിരക്ക് നിലവില്‍ വരുന്ന ഡിസംബര്‍ 14 ന് തന്നെയാണ് നെറ്റ് ഫ്‌ളിക്‌സിന്റെയും കുറഞ്ഞ നിരക്ക് പ്രാബല്യത്തില്‍ വരുന്നത്. ആമസോൺ നിരക്ക് കൂട്ടിയപ്പോൾ നെറ്റ്ഫ്ലിക്സ് അവരുടെ നിരക്കുകൾ കുറച്ചിരിക്കുകയാണ്.

പ്രതിമാസം 149യ്‌ക്ക്‌ ഫോണിലോ ടാബ്‌ലറ്റിലോ മികച്ച ക്വാളിറ്റിയിൽ പരിപാടികൾ കാണാം. നേരത്തെ ഫോണുകൾക്ക്‌ മാത്രമായുണ്ടായിരുന്ന 199 രൂപയുടെ പ്ലാൻ ഇനിമുതൽ ഫോൺ, ടാബ്‌,bകമ്പ്യൂട്ടർ, ടിവി എന്നിവയിൽ ഉപയോഗിക്കാനാകും.

ഫോൺ,ടാബ്‌,കമ്പ്യൂട്ടർ, ടിവി എന്നിവയിൽ മികച്ച ക്വാളിറ്റി ലഭ്യമായിരുന്ന 649 രൂപയുടെ സ്‌റ്റാൻഡേർഡ്‌ പ്ലാൻ നിരക്ക്‌ 499 രൂപയായും കുറച്ചിട്ടുണ്ട്‌. ഉയർന്ന ക്വാളിറ്റി (ഫോർ കെ, എച്ച്‌ ഡി) പരിപാടികൾ കാണാവുന്ന പ്രീമിയം പ്ലാനിന്‌ 799 ൽ നിന്നും 649 രൂപയായും നെറ്റ്‌ഫ്ലിക്‌സ്‌ കുറച്ചു. ഇന്ത്യയിലെ മുഖ്യ എതിരാളികളായ ആമസോൺ പ്രൈം നിരക്കുകൾ വർദ്ധിപ്പിക്കുമെന്ന വാർത്തകൾ പുറത്തുവന്നതിന്‌ പിന്നാലെയാണ്‌ നെറ്റ്‌ഫ്ലിക്‌സ്‌ നിരക്കുകൾ കുറച്ചത്‌.

[fb_plugin video href=”https://www.facebook.com/varthatrivandrumonline/videos/400872155054894/” ]