മലയിൻകീഴ്: ടെലിവിഷൻ സൗകര്യം ഇല്ലാത്തതു കാരണം ഓൺലൈൻ പഠനം പ്രതിസന്ധിയിലായ വിദ്യാർഥികളെ സഹായിക്കാൻ എല്ലാ അംഗൻവാടികൾക്കും ടെലിവിഷൻ നൽകി കാട്ടാക്കട നിയോജകമണ്ഡലം. വിലയുടെ എഴുപത്തഞ്ച് ശതമാനം KSFE യും ഇരുപത്തഞ്ച് ശതമാനം എംഎൽഎ ഫണ്ടും ഉപയോഗിച്ചാണ് ടെലിവിഷൻ നൽകുന്നത്. കാട്ടാക്കട, പള്ളിച്ചൽ, വിളപ്പിൽ പഞ്ചായത്തുകളിൽ ഇതിനോടകം ടെലിവിഷൻ നൽകി കഴിഞ്ഞു. മണ്ഡലത്തിലെ 209 അംഗൻവാടികൾക്കാണ് പദ്ധതി വഴി ടെലിവിഷൻ ലഭ്യമാക്കുന്നത്.
മലയിൻകീഴ് പഞ്ചായത്തിലെ 35 അംഗൻവാടികൾക്കുള്ള ടെലിവിഷൻ വിതരണം കരിപ്പൂർ അംഗൻവാടിയിൽ ഐ.ബി സതീഷ് എം.എൽ.എ നിർവ്വഹിച്ചു. മലയിൻകീഴ് പഞ്ചായത്ത് പ്രസിഡൻ്റ് വൽസലകുമാരി അദ്ധ്യക്ഷത വഹിച്ചു. വൈസ് പ്രസിഡൻ്റ് സുരേഷ് ബാബു, ബ്ലോക്ക് വൈസ് പ്രസിഡൻ്റ് എസ്.ചന്ദ്രൻ നായർ, പഞ്ചായത്ത് മെമ്പർമാരായ ഗോപകുമാർ, വാസുദേവൻ നായർ, ഒ.ജി.ബിന്ദു, കൃഷ്ണപ്രീയ, KSFE മാനേജർ സുജിത്ത്, തുടങ്ങിയവർ പങ്കെടുത്തു.
പാറിപ്പറന്ന് വിലാസിനിയും കൂട്ടുകാരും
[fb_plugin video href=”https://www.facebook.com/varthatrivandrumonline/videos/881837932758946″ ]
