തിരുവല്ലത്ത് അക്രമിസംഘം പോലീസ് ജീപ്പ് ആക്രമിച്ച് പ്രതികളെ രക്ഷപ്പെടുത്തി. വണ്ടിത്തടം ശാന്തിപുരം ജംഗ്ഷനുസമീപം പാപ്പാന്‍ ചാണി റോഡില്‍ ഇന്നലെ രാത്രിയാണ് സംഭവം. നഗരത്തില്‍ അടുത്തിടെ നടന്ന മോഷണം, കഞ്ചാവ് കച്ചവടം എന്നിവയുമായി ബന്ധപ്പെട്ട് സുധിയെന്നയാളെ കഴിഞ്ഞ ദിവസം ഫോര്‍ട്ട് പോലീസ് അറസ്റ്റു ചെയ്തിരുന്നു.
അന്വേഷണത്തില്‍ കൂട്ടുപ്രതിയായ ശാന്തിപുരം നന്ദു വണ്ടിത്തടം പാപ്പാന്‍ചാണിയില്‍ വാടകയ്ക്ക് വീടെടുത്ത് താമസിക്കുകയാണെന്ന് വിവരം ലഭിച്ചതിന്റെ അടിസ്ഥാനത്തില്‍ ഇവിടെ എത്തിയപ്പോഴായിരുന്നു ആക്രമണമുണ്ടായത്. വീടിന് 50 മീറ്റര്‍ എത്തിയപ്പോഴേക്കും പോലീസിന് നേര്‍ക്ക് അക്രമികള്‍ കല്ലെറിഞ്ഞു. തുടര്‍ന്ന് ജീപ്പിന് നേരെ പെട്രോള്‍ ബോംബും എറിയുകയായിരുന്നെന്ന് പോലീസ് പറഞ്ഞു.
പോലീസുകാര്‍ ഓടി മാറുന്നതിനിടെ കസ്റ്റഡിയിലുണ്ടായിരുന്ന പ്രതിയും രക്ഷപ്പെട്ടു. 20 ഓളം വരുന്ന അക്രമികള്‍ പോലീസ് ജീപ്പ് നശിപ്പിച്ചു. സമീപ വീടുകളില്‍ അഭയം തേടിയ തിരുവല്ലം എസ്.ഐ നിധിനെയും മറ്റ് പോലീസ് ഉദ്യോഗസ്ഥരെയും പിന്നീട് കൂടുതല്‍ പോലീസ് ഉദ്യോഗസ്ഥര്‍ എത്തിയാണ് രക്ഷപ്പെടുത്തിയത്. ആക്രമണത്തിന് ശേഷം രക്ഷപ്പെട്ട പ്രതികള്‍ക്കായി അന്വേഷണം ഊര്‍ജിതപ്പെടുത്തിയതായി തിരുവല്ലം പോലീസ് പറഞ്ഞു. പോലീസ് ജീപ്പിന് സാരമായ കേടുപാടുകള്‍ സംഭവിച്ചു.
ക്രിസ്തുമസിനെ വരവേൽക്കാനൊരുങ്ങി CAKE WORLD
[fb_plugin video href=”https://www.facebook.com/107537280788553/videos/1049551222179794″ ]
