ചാങ്ങാട്ട് ശ്രീ ഭഗവതി മഹാക്ഷേത്രം സാംസ്കാരിക സമ്മേളനവും അവാർഡ് വിതരണവും അഡ്വക്കേറ്റ് അടൂർ പ്രകാശ് എം.പി ഉത്‌ഘാടനം ചെയ്തു.ചാങ്ങാട്ട് ശ്രീ ഭഗവതി ക്ഷേത്രം ട്രസ്റ്റ് രക്ഷാധികാരി Dr.കെ പീതാംബരൻ പിള്ള അധ്യക്ഷനായ ചടങ്ങിൽ ട്രസ്റ്റ് പ്രസിഡന്റ് ശ്രീ രാമചന്ദ്രൻ പിള്ള വിശിഷ്ട അതിഥികൾക് സ്വാഗതമർപ്പിച്ചു.തുടർന്ന് ട്രസ്റ്റ് സെക്രട്ടറി ശ്രീ മുകേഷ് എം എൽ സംഘത്തിന്റെ പ്രവർത്തന റിപ്പോർട്ട് അവതരിപ്പിച്ചു.
സമൂഹത്തിന്റെ നാനാ തുറകളിലെ പ്രവർത്തന മികവിൽ അംഗീകാരം ലഭിച്ചവരെ ആദരിക്കുകയും പുരസ്കാരങ്ങൾ വിതരണം ചെയുകയും ചെയ്തു.ഇ വർഷത്തെ ചാങ്ങാട്ട് ‘അമ്മ പുരസ്കാരം യശ്ശശരീരനായ കഥകളി ആചാര്യൻ പദ്മഭൂഷൺ മടവൂർ വാസുദേവൻ നായർക്ക് വേണ്ടി അദ്ദേഹത്തിന്റെ സഹധർമിണി ഏറ്റുവാങ്ങി.തുടർന്ന് ദളിത് സാഹിത്യ അക്കാദമിയുടെ പൊതു പ്രവർത്തകനുള്ള ദേശീയ അവാർഡ് കരസ്ഥമാക്കിയ അഡ്വക്കേറ്റ് പി ആർ രാജീവിനും മികച്ച പാലിയേറ്റീവ് കെയർ സ്റ്റാഫ് പുരസ്കാര അർഹയായ കരവാരം പി എച്ച് സി യിലെ നഴ്സിംഗ് സ്റ്റാഫ് ശ്രീമതി അമ്പിളിക്കും അഞ്ഞൂറിൽ പരം പുസ്തകങ്ങൾ വായിച്ച് വായന കുറിപ്പ് തയ്യാറാക്കിനിരവധി പുരസ്കാരങ്ങൾ കരസ്ഥമാക്കിയ തോട്ടയ്ക്കാട് ഗവൺമെൻറ് എൽപി സ്കൂൾ വിദ്യാർഥി ശ്രീ അമലിനെ യും പുരസ്കാരം നൽകി ആദരിച്ചു.
പ്രസ്‌തുത പരിപാടിയിൽ Dr.ജയകുമാർ,എസ് സുരേഷ് കുമാർ( വൈസ് പ്രസിഡൻറ് കരവാരം ഗ്രാമപഞ്ചായത്ത്) സുനി പ്രസാദ്, പി കൊച്ചനിയൻ ,ഡോക്ടർ പി ജെ നഹാസ്,സുരേഷ് കുമാർ, പി ജയേഷ് ,ഭുവനേന്ദ്രൻ നായർ,അനൂപ് എസ് ആർ,അഭിലാഷ് പി എന്നിവർ സന്നിഹിതരായി.
