ആറ്റിങ്ങൽ: ആലംകോട് ഒരു കോടി രൂപ വിലമതിക്കുന്ന കഞ്ചാവ് എക്സൈസ് ഉദ്യോഗസ്ഥർ പിടികൂടി. എക്സൈസ് കമ്മീഷ്ണർക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു റെയ്ഡ്. ഏകദേശം 40 കിലോയോളം വരുന്ന കഞ്ചാവ് വിവിധ ചാക്കുകളിലായി സൂക്ഷിച്ചിരിക്കുകയായിരുന്നു. ആലംകോട് പുളിമൂട് ജംഗ്ഷന് സമീപം പ്രവർത്തിക്കുന്ന “മാമ്പൂ റസ്റ്റോറന്റ്” എന്ന ഹോട്ടലിൽ നിന്നാണ് കഞ്ചാവ് പിടികൂടിയത്.
കൊവിഡിന്റെ പശ്ചാത്തലത്തിൽ ഹോട്ടൽ അടച്ചുപൂട്ടി പകരം സവാള ഹോൾസെയിൽ കച്ചവടമാണ് ഇവിടെ നടത്തുന്നത്. ഇതിന്റെ മറവിലാണ് കഞ്ചാവ് കച്ചവടം നടന്നിരുന്നത്. തൊട്ടിക്കല്ല് സ്വദേശി ഭഗത് ആണ് ഒന്നാം പ്രതി. പ്രതിയുടെ അച്ഛൻ റിട്ട. സർവ്വെയറും അമ്മ ടീച്ചറുമാണ്. വർക്കലയിൽ കഞ്ചാവ് കച്ചവടം നടത്തിയിരുന്ന ആളെ പിടികൂടിയിരുന്നു ഇയാളെ ചോദ്യം ചെയ്തതിന്റെ അടിസ്ഥാനത്തിലാണ് ഉദ്യോഗസ്ഥർ ഈ വിവരം അറിയിച്ചത്. പ്രതിയുടെ വീട്ടിൽ നോട്ട് എണ്ണുന്ന മിഷ്യൻ അടക്കം കണ്ടെത്തിയതായി എക്സൈസ് വകുപ്പ് അറിയിച്ചു. ഉദ്യോഗസ്ഥർ ഇയാളെ തെളിവെടുപ്പിനായി ആലംകോട് ഹോട്ടലിൽ കൊണ്ടുവന്നു. ആറ്റിങ്ങൽ, വർക്കല എക്സൈസ് റെയ്ഞ്ചിന്റെ നേതൃത്വത്തിലാണ് റെയ്ഡ് നടന്നത്. നഗരസഭാ ചെയർമാൻ എം.പ്രദീപ് അടക്കമുള്ളവർ സ്ഥലത്തെത്തി.
[ap_social facebook=”http://facebook.com/varthatrivandrumonline/” twitter=”” gplus=”” skype=”” linkedin=”” youtube=”” dribble=””]
മാവേലിക്ക് അത്തപ്പൂക്കളം എങ്ങനെ വേണം ??
https://www.facebook.com/varthatrivandrumonline/videos/317046522983077/
