പ്രശസ്ത ഗായകൻ യേശുദാസിന്റെ സഹോദരൻ കെ.ജെ ജസ്റ്റിനെ ദുരൂഹ സഹാചര്യത്തിൽ മരിച്ച നിലയിൽ കണ്ടെത്തി. എറണാകുളം വല്ലാ‌ർപാടം ഡി.പി വേൾഡിന് സമീപം കൊച്ചി കായലിലാണ് ബുധനാഴ്ച ഉച്ചയോടെ മൃതദേഹം കണ്ടെത്തിയത്.
കാക്കനാട് അത്താണിയിലാണ് ജസ്റ്റിനും കുടുംബവും വാടകയ്ക്ക് താമസിച്ചിരുന്നത്. രത്രി വൈകിയും വീട്ടിലെത്താതിനെ തുട‌ർന്ന് വീട്ടുകാ‌ർ തൃക്കാക്കര പൊലീസ് സ്റ്റേഷനിൽ പരാതി നൽകി. തുട‌ർന്ന് നടന്ന അന്വേഷണത്തിലാണ് കായലിൽ നിന്നും മുളവുകാട് പൊലീസ് ഒരാളുടെ മൃതദേഹം കണ്ടെടുത്തിട്ടുണ്ടെന്നറിഞ്ഞത്. ബന്ധുക്കൾ എറണാകുളം ജനറൽ ആശുപത്രിയിലെത്തി മൃതദേഹം ജസ്റ്റിന്റേതാണെന്ന് സ്ഥീരീകരിച്ചുമുളവുകാട് പൊലീസ് പ്രാഥമിക നടപടികൾ പൂർത്തിയാക്കി പോസ്റ്റ്മോർട്ടത്തിനായി മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. സംഭവത്തിൽ പൊലീസ് അന്വേഷണം നടത്തുന്നുണ്ട്. ജിജിയാണ് ജസ്റ്റിന്റെ ഭാര്യ
