കിളിമാനൂർ: ഭർത്താവിന്റെ മരണവാർത്തയറിഞ്ഞ് ഹൃദയവേദനയാൽ
ഭാര്യയും മരിച്ചു. നഗരൂർ കുന്നിൻകുളങ്ങര അമൃതാഭവനിൽ ആർ മണികണ്ഠൻ (60), ഇദ്ദേഹത്തിന്റെ ഭാര്യ എസ് സീത (53) എന്നിവരാണ് മണിക്കൂറുകളുടെ വ്യത്യാസത്തിൽ മരിച്ചത്. മൂത്രാശയ സംബന്ധമായ അസുഖത്തെതുടർന്ന് വ്യാഴാഴ്ച രാത്രി 7.30കഴിഞ്ഞായിരുന്നു തിരുവനന്തപുരം മെ‍ഡിക്കൽ കോളേജിൽ വെച്ച് മണികണ്ഠൻ മരിച്ചത്. ഭർത്താവിന്റെ മരണവാർത്തയറിഞ്ഞ് അധികം വൈകാതെ എസ് സീതയും ഹ‍ൃദയാഘാതം മൂലം കുഴഞ്ഞുവീണുമരിക്കുകയായിരുന്നു. ഇരുവരുടെയും മൃതദേഹങ്ങൾ വീട്ടുവളപ്പിൽ അടുത്തടുത്തായി സംസ്കരിച്ചു.
