ചിറയിൻകീഴ് ബ്ലോക്ക് പഞ്ചായത്തിൻ്റെ നേതൃത്വത്തിൽ നടന്നുവരുന്ന കോവിഡ് പരിശോധനയിൽ ഇന്നലെ 22 പേർക്കു കൂടി രോഗം കണ്ടെത്തിയതായി ബ്ലോക്ക് പഞ്ചായത്ത് പ്രസിഡൻ്റ് ആർ.സുഭാഷും ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റിചെയർമാൻ അഞ്ചുതെങ്ങ് സുരേന്ദ്രനും അറിയിച്ചു. 6 പേർ രോഗമുക്തരായി.
വ്യാജ പ്രചാരണം മൂലം രണ്ടു കേന്ദ്രങ്ങളിലായി അഞ്ചുതെങ്ങിൽ നടത്തിയ പരിശോധനയിൽ 39 പേർ മാത്രമാണ് ഇന്നലെ പരിശോധനയ്‌ക്കെത്തിയത്. ഇതിൽ 11 പേർക്ക് രോഗമുള്ളതായി കണ്ടെത്തി. സോഷ്യൽ മീഠിയ വഴി അഞ്ചുതെങ്ങിൽ വ്യാജ പ്രചാരണങ്ങൾ നടത്തി ജനങ്ങളെ തെറ്റിദ്ധരിപ്പിക്കുന്നവർക്കെതിരെ നടപടി വേണമെന്ന് ബ്ലോക്ക് പഞ്ചായത്തിൽ ചേർന്ന ആരോഗ്യ വിദ്യാഭ്യാസ സ്റ്റാൻറിംഗ് കമ്മറ്റി യോഗം ആവശ്യപ്പെട്ടു.
കടയ്ക്കാവൂർ ഊട്ടു പറമ്പിൽ 57 പേരിൽനടത്തിയ പരിശോധനയിൽ 6 പേർക്കും ചിറയിൻകീഴ് താലൂക്കാശുപത്രിയിൽ നടത്തിയ 31 പേരുടെപരിശോധനയിൽ 5 പേർക്കും രോഗമുള്ളതായി കണ്ടെത്തി. വക്കത്ത് കോവിഡ് ചികിത്സാ കേന്ദ്രത്തിൽ നിന്ന് 6 പേർ കൂടി ഇന്നലെ രോഗമുക്തരായി. നോഡൽ ആഫീസർ ഡോ. രാമകൃഷ്ണബാബുവിൻ്റെ നേതൃത്വത്തിൽ ഡോ. ദീപക്, ഡോ.സരിത, ഡോ.ഭാഗ്യലക്ഷ്മി, ഡോ.അശ്വനിരാജ് ഡോ.നബീൽ, ഡോ.രശ്മി, ഡോ.മഹേഷ്, എന്നിവരുൾപ്പെട്ട സംഘം ഇന്ന് ചിറയിൻകീഴ് താലൂക്കാശുപത്രി, അഞ്ചു
തെങ്ങ് മാമ്പള്ളി, കിഴുവിലം കൂന്തള്ളൂർ പ്രേംനസീർ മെമ്മോറിയൽ ഹയർ സെക്കൻ്ററി സ്കൂൾ എന്നിവിടങ്ങളിൽ പരിശോധന ഉണ്ടാകും.
ആറ്റിങ്ങൽ ബൈപാസ്, സർക്കാരും ദേവസ്വം ബോർഡും തുറന്ന പോരിലേയ്‌ക്കോ ?
https://www.facebook.com/varthatrivandrumonline/videos/1270817516595502/
