തിരുവനന്തപുരം : റോഷന് ഇനി കേൾക്കാം…. നഷ്ടപ്പെട്ട ശ്രവണസഹായിക്ക് പകരം പുതിയത് നഗരസഭ വാങ്ങി നൽകും. മേയർ ആര്യാ രാജേന്ദ്രൻ റോഷന്റെ വീട്ടിൽ നേരിട്ടെത്തിയാണ് പുതിയ ശ്രവണസഹായി വാങ്ങി നൽകാമെന്ന് ഉറപ്പ് നൽകിയത്. ഞായറാഴ്ച രാവിലെ ഒമ്പതിന് വീട്ടിലെത്തി കൈമാറുമെന്നും അറിയിച്ചു. കിംസ് ആശുപത്രിയുടെ സഹായത്തോടെയാണ് ശ്രവണസഹായി നൽകുക.
കഴിഞ്ഞ ദിവസമാണ് സ്‌കൂളിൽ നിന്നും വീട്ടിലേക്ക് പോകുന്ന വഴി റോഷന്റെ സ്‌കൂൾ ബാഗും അതിലുണ്ടായിരുന്ന ഒരു ലക്ഷം രൂപയിലേറെ വിലയുള്ള ശ്രവണസഹായിയും നഷ്ടമായത്. ശ്രവണ സഹായി നഷ്ടപ്പെട്ട വിവരം റോഷന്റെ അമ്മ ഫെയ്‌സ്ബുക്കിൽ പങ്കുവച്ചിരുന്നു. ഇത് വ്യാപകമായി ഷെയർ ചെയ്യപ്പെട്ടെങ്കിലും ബാഗ് ഇതുവരെയും കണ്ടെത്താനായിട്ടില്ല.
ഇത് ജൂനിയർ ജോളിയോ? ഷാരോണിന്റെ ജീവനെടുത്ത് ഗ്രീഷ്മ, ജീവൻ കൊടുത്ത പ്രണയമല്ല ജീവനെടുത്ത പ്രണയം
https://www.facebook.com/varthatrivandrumonline/videos/1729683127411988
