മൂന്ന്മുക്ക് ജംഗ്ഷനിൽ പ്രവർത്തിക്കുന്ന സാരഥി വാഹന ഷോറൂമും, ട്രെൻസ് വസ്ത്രാലയവും, കൊല്ലമ്പുഴയിലെ ഗാലക്സി അപ്ഹോൾസ്റ്റെറിയുമാണ് നഗരസഭ താൽക്കാലികമായി അടപ്പിച്ചത്.
അവനവഞ്ചേരി ടോൾമുക്ക് സ്വദേശിയായ 24 കാരനാണ് രോഗം സ്ഥിതീകരിച്ച സാരഥി കാർ ഷോറൂമിലെ ജീവനക്കാരൻ. ഈ മാസം 14 നാണ് ഇയാൾ അവസാനമായി ജോലിക്കെത്തിയത്. തുടർന്ന് രോഗം ലക്ഷണം ഉണ്ടായ ഇയാളെ വലിയകുന്ന് ആശുപത്രിയിൽ കൊവിഡ് പരിശോധന നടത്തുകയും രോഗം സ്ഥിതീകരിക്കുകയും ആയിരുന്നു. ഇയാളെ വീട്ടിലെ റൂം ക്വാറന്റൈനിൽ പ്രവേശിപ്പിച്ചു. 16 ജീവനക്കാരാണ് ഇവിടെ ജോലി ചെയ്യുന്നത്.
തൊട്ടടുത്ത സ്ഥാപനമായ ട്രെൻസ് വസ്ത്രാലയത്തിലെ വക്കം സ്വദേശിയായ ജീവനക്കാരിക്കും ഇന്ന് രോഗം സ്ഥിരീകരിച്ചു. ഇവർ ഇന്ന് രാവിലെ ജോലിക്കെത്തുകയും, രോഗ ലക്ഷണം ഉണ്ടായതിനാൽ വലിയകുന്ന് താലൂക്കാശുപത്രിയിൽ പരിശോധനക്ക് വിധേയമായി. പരിശോധന ഫലം പൊസിറ്റീവായതിനാൽ ഇവരെ വക്കം സി.എഫ്.എൽ.റ്റി.സി യിലേക്ക് മാറ്റിയതായി ആശുപത്രി സൂപ്രണ്ട് ഡോ. ജസ്റ്റിൻ ജോസ് അറിയിച്ചു. ഈ സ്ഥാപനത്തിൽ 42 പേരാണ് ജോലി ചെയ്യുന്നത്.
നഗരസഭാ ചെയർമാൻ എം.പ്രദീപിന്റെ നിർദ്ദേശ പ്രകാരം ഹെൽത്ത് സൂപ്പർവൈസർ എസ്.എസ്.മനോജ്, ജെ.എച്ച്.ഐ മാരായ എ.എൽ.ഹാസ്മി, എ.അഭിനന്ദ് എന്നിവരുടെ നേതൃത്വത്തിലുള്ള സംഘം ഈ 3 സ്ഥാപനങ്ങളിൽ എത്തി ജീവനക്കാരുടെ പേര് വിവരങ്ങൾ ശേഖരിക്കുകയും, ഇവരെ ക്വാറന്റൈനിൽ പോകാൻ നിർദ്ദേശിക്കുകയും ആയിരുന്നു. കൂടാതെ ഈ സ്ഥാപനങ്ങൾ തൽക്കാലികമായി അടച്ചിടാനും നിർദേശം നൽകി. അടുത്ത ദിവസങ്ങളിലായി ഇവിടം സന്ദർശിച്ചവർ ആരോഗ്യപരമായ എന്തെങ്കിലും ബുദ്ധിമുട്ട് അനുഭവപ്പെട്ടാൽ തൊട്ടടുത്തുള്ള സർക്കാർ ആരോഗ്യ കേന്ദ്രവുമായി ബന്ധപ്പെടണമെന്ന് ചെയർമാൻ അറിയിച്ചു.
ഒരു വയസ്കാരന് ഉൾപ്പടെ പട്ടണത്തിൽ ഇന്ന് 2 പേർക്ക് രോഗം സ്ഥിതീകരിച്ചു
ആറ്റിങ്ങൽ: നഗരസഭ 20-ാം വാർഡ് കാഞ്ഞിരംകോണം സ്വദേശി 31 കാരനും, 24-ാം വാർഡ് കൊല്ലമ്പുഴ സ്വദേശി 1 വയസ്കാരനും ആണ് രോഗം സ്ഥിരീകരിച്ചത്.
കാഞ്ഞിരംകോണം സ്വദേശി കൊല്ലമ്പുഴ ഗാലക്സി ആട്ടോമൊബൈൽസിലെ ജീവനക്കാരനാണ്. ബുധനാഴ്ചയാണ് ഇയാൾ അവസാനമായി ജോലിക്ക് പോയത്. ഇന്നലെ രാത്രി ഉണ്ടായ തലവേദനയെ തുടർന്ന് വലിയകുന്ന് താലൂക്ക് ആശുപത്രിയിൽ സ്രവ പരിശോധന നടത്തുകയും രോഗം സ്ഥിരീകരിക്കുകയും ആയിരുന്നു. ഇയാളെ കൊവിഡ് ചികിൽസാ കേന്ദ്രത്തിലേക്ക് മാറ്റിയതായി ആരോഗ്യ വിഭാഗം അറിയിച്ചു. ഇയാൾ ജോലി ചെയ്തിരുന്ന സ്ഥാപനത്തിലെ രണ്ട് ജീവനക്കാരോട് ക്വാറന്റൈനിൽ പ്രവേശിക്കാൻ നിർദ്ദേശിക്കുകയും, സ്ഥാപനം താൽക്കാലികമായി അടച്ചിടാൻ നിർദ്ദേശിച്ചതായും നഗരസഭ ചെയർമാൻ എം.പ്രദീപ് അറിയിച്ചു.
കൊല്ലമ്പുഴ സ്വദേശി 1 വയസുള്ള കുട്ടി വീട്ടിലെ റൂം ക്വാറന്റൈനിൽ പ്രവേശിപ്പിച്ചു. കഴിഞ്ഞ 13-ാം തീയതി രോഗം സ്ഥിതീകരിക്കുകയും തുടർന്ന് റൂം ക്വാറന്റൈനിൽ കഴിഞ്ഞിരുന്ന 37 കാരന്റെ അനുജന്റെ മകനാണ് ഇന്ന് രോഗബാധിതനായ കുട്ടി. നഗരസഭ ശുചീകരണ വിഭാഗം വീടും പരിസരവും സ്ഥാപനവും അണുവിമുക്തമാക്കാനുള്ള നടപടി സ്വീകരിച്ചു.
അനാവശ്യ ചിലവുകൾ മാറ്റിവച്ച് നമുക്ക് ഇവരെ സഹായിക്കാം..
https://www.facebook.com/varthatrivandrumonline/videos/660207097934790/
