കിളിമാനൂർ: സമഗ്ര ശിക്ഷാ കേരളം കിളിമാനൂർ ബിആർസി സുഭിക്ഷകേരളം പദ്ധതി വിളവെടുപ്പ് ഉദ്ഘാടനം അഡ്വ: ബി സത്യൻ എം എൽ എ നിർവഹിച്ചു. പഴയ കെട്ടിടം ഷീറ്റ് മേഞ്ഞപ്പോൾ ഉപയോഗശൂന്യമായ മേച്ചിലോടുകൾ ഉപയോഗിച്ച് തയ്യാറാക്കിയ ചട്ടികളിൽ പച്ചക്കറി നൂറുമേനി വിളയിച്ച് ബിആർസി മാതൃകയായി.ബ്ലോക്ക് പഞ്ചായത്ത് നൽകിയ പച്ചക്കറി തൈകൾ – വെണ്ട,വഴുതന,തക്കാളി, മുളക് എന്നിവയാണ് വിളവെടുത്തത്. കൃഷിയിടം കുറവായതിനാൽ സ്കൂൾ കെട്ടിടത്തിന്റെ സിമൻറ് വരാന്തയിലാണ് കൃഷിത്തോട്ടം സ്ഥാപിച്ചിരിക്കുന്നത്.
ബി ആർ സി യിൽ എത്തുന്ന പ്രഥമാധ്യാപകർ,രക്ഷാകർത്താക്കൾ,കുട്ടികൾ ഏവർക്കും കൗതുക കാഴ്ച്ചയാണ് ഈ മേച്ചിലോടു കൊണ്ടുള്ള ഈ പച്ചക്കറിത്തോട്ടം. സ്ഥലപരിമിതിയുണ്ടായിട്ടും ഇന്ന് ഹരിതാഭമായ ബി ആർ സി വിദ്യാലയങ്ങൾക്ക് ജൈവകൃഷിയുടെ സാധ്യതയുടേയും പ്രായോഗികതയുടേയും സന്ദേശം നൽകുന്നതാണ് എന്ന് എം എൽ എ പറഞ്ഞു. കോവിഡ് മാനദണ്ഡങ്ങൾ പാലിച്ച് ബിആർസി യിൽ നടന്ന വിളവെടുപ്പ് ഉത്സവത്തിന് കിളിമാനൂർ ഗ്രാമപഞ്ചായത്ത് പ്രസിഡൻറ് രാജലക്ഷ്മി അമ്മാൾ അധ്യക്ഷതവഹിച്ചു.’ ബ്ലോക്ക് പ്രോജക്ട് കോഡിനേറ്റർ സാബു വി ആർ സ്വാഗതം പറഞ്ഞു . എ ഇ ഒ വി.രാജു, ഡയറ്റ് ഫാക്കൽറ്റി ഡോ.ടി ആർ ഷീജാകുമാരി , അധ്യാപക പരിശീലകർ,ക്ലസ്റ്റർ കോഡിനേറ്റർമാർ, റിസോഴ്സ് അധ്യാപകർ സ്പെഷ്യലിസ്റ്റ് അധ്യാപകർ പങ്കെടുത്തു. പച്ചക്കറികൃഷി കോഡിനേറ്റർ സ്മിത പി കെ നന്ദി പറഞ്ഞു.
[ap_social facebook=”http://facebook.com/varthatrivandrumonline/”]
https://www.facebook.com/varthatrivandrumonline/videos/648494132521478/
