ന്യൂഡല്‍ഹി: ഇന്നുമുതൽ ട്രെയിൻ സർവിസുകൾ പുനഃരാരംഭിക്കും.ഇന്ന് 8 ട്രെയിനുകളാണ് ഓടിത്തുടങ്ങുന്നതു. കേരളത്തിലേക്കുള്ള ട്രെയിൻ നാളെ. ട്രെയിനിൽ യാത്രചെയ്യാൻ പാസുകൾ നിര്ബന്ധമാണ്. ഒരുടിക്കറ്റിൽ വരുന്ന എല്ലാപേരുടെയും വിശദാംശങ്ങൾ പാസിൽ രേഖപ്പെടുത്തിയിരിക്കണം. പുറപ്പെടുന്ന സ്റ്റേഷന്‍, എത്തേണ്ട സ്റ്റേഷന്‍, ട്രെയിന്‍ നമ്പര്‍, പിഎന്‍ആര്‍ നമ്പര്‍ എന്നിവ നിര്‍ബന്ധമായും രേഖപ്പെടുത്തണം.കേരളത്തിലേക്ക് വരാനായി രാജ്യത്തിന്റെ വിവിധ ഭാഗങ്ങളില്‍ നിന്ന് ട്രെയിന്‍ ടിക്കറ്റ് എടുക്കുന്നവര്‍ പാസിന് വേണ്ടി ‘കോവിഡ് ജാഗ്രത’ പോർട്ടലിൽ അപേക്ഷിക്കണം.
മറ്റു മാര്‍ഗങ്ങളിലൂടെ അപേക്ഷിച്ചിട്ടുണ്ടെങ്കില്‍ അത് റദ്ദാക്കി റെയില്‍മാര്‍ഗം വരുന്നു എന്ന് കാണിച്ച് പുതുതായി അപേക്ഷിക്കേണ്ടതാണ്.ഇതുവരെ പാസിന് അപേക്ഷിക്കാത്തവര്‍ക്ക് പുതുതായി അപേക്ഷിക്കാനുള്ള സൗകര്യമുണ്ടാകും.
കേരളത്തിലിറങ്ങുന്ന യാത്രക്കാർക്ക് റെയില്‍വെസ്റ്റേഷനുകളില്‍ വൈദ്യപരിശോധനയുണ്ടാകും .വൈദ്യപരിശോധനയ്ക്കുശേഷം രോഗലക്ഷണം ഇല്ലാത്തവര്‍ 14 ദിവസത്തെ നിര്‍ബന്ധിത ഹോം ക്വാറന്റീനില്‍ പ്രവേശിക്കേണ്ടതുമാണ്. ഹോം ക്വാറന്റീന്‍ പാലിക്കാത്തവരെ നിര്‍ബന്ധമായും ഇന്‍സ്റ്റിറ്റിയൂഷണല്‍ ക്വാറന്റീനില്‍ മാറ്റും. രോഗലക്ഷമുള്ളവരെ തുടര്‍പരിശോധനകള്‍ക്ക് വിധേയരാക്കും.
റെയില്‍വെ സ്റ്റേഷനില്‍നിന്നും വിവിധ സ്ഥലങ്ങളിലേക്ക് കെഎസ്ആര്‍ടിസി സര്‍വീസ് നടത്തും.സ്റ്റേഷനില്‍നിന്നും വീടുകളിലേക്ക് യാത്രക്കാരെ കൊണ്ടുപോകാന്‍ ഡ്രൈവര്‍ മാത്രമുള്ള വാഹനങ്ങള്‍ അനുവദിക്കും.
