ആറ്റിങ്ങൽ: ആറ്റിങ്ങലിൽ യുഡിഎഫ് സ്ഥാനാർഥിയായി ബി.സന്തോഷ് വരും. യുഡിഎഫിൽ ആർ.എസ്.പിക്ക് ആണ് ആറ്റിങ്ങൽ സീറ്റ്. ആർ.എസ്.പി തിരുവനന്തപുരം ജില്ലാ കമ്മിറ്റി അംഗം ബി.സന്തോഷിനെ ആർ.എസ്.പി നേതൃത്വം സ്ഥാനാർത്ഥിയായി പരിഗണിക്കുന്നു.ഔദ്യോഗിക പ്രഖ്യാപനം വന്നിട്ടില്ല എങ്കിലും സന്തോഷിനെ മുൻ നിർത്തി തെരഞ്ഞെടുപ്പ് പ്രവർത്തനങ്ങൾക്ക് നിർദേശം നൽകിയിട്ടുണ്ട്. വരും ദിവസങ്ങളിൽ ബി.സന്തോഷ് ഘടകകക്ഷി നേതാക്കളെ കാണും.
കെ.എസ്.യു. പ്രതിനിധിയായി ആറ്റിങ്ങൽ ഗവ.കോളേജ് യൂണിയൻ ചെയർമാൻ, കേരള സർവകലാശാല യൂണിയൻ കൗൺസിലർ എന്നീ സ്ഥാനങ്ങളും വഹിച്ചു. ആർ.വൈ.എഫ് മുൻ ജില്ലാ പ്രസിഡൻ്റ് ആയും പ്രവർത്തിച്ചിട്ടുണ്ട്., ആറ്റിങ്ങൽ വെങ്ങോട് സ്വദേശിയാണ് ബി.സന്തോഷ്.