പോലീസിനെ വെല്ലുവിളിച്ച് ദിവസങ്ങളായി ഒളിവില് കഴിഞ്ഞിരുന്ന ക്രിമിനല് കേസ് പ്രതി അര്ജുന് ആയങ്കി ഒടുവില് അറസ്റ്റില്.കണ്ണൂരിലെ വനിതാ അഭിഭാഷകയുടെ ഫ്ലാറ്റില് നിന്നാണ് പുലര്ച്ചെ രണ്ടുമണിയോടെ ഇയാളെ പോലീസ് പിടികൂടിയത്. ഫ്ലാറ്റിലേക്ക് അര്ജുന് എത്തിയ ഓട്ടോയുടെ ഡ്രൈവറില് നിന്ന് ലഭിച്ച നിര്ണായക വിവരമാണ് അറസ്റ്റിലേക്ക് നയിച്ചത്. അര്ജുന് ആയങ്കിയെ ഓടിച്ചിട്ട് പിടികൂടുകയായിരുന്നുവെന്നും പോലീസ് സംഘത്തിന്റെ കൂട്ടായ പരിശ്രമമാണ് അറസ്റ്റിന് പിന്നിലെന്നും കണ്ണൂര് പോലീസ് കമ്മീഷണര് വിജയ് ഭാരത് റെഡ്ഡി പറഞ്ഞു. പോലീസ് എത്തിയപ്പോള് രക്ഷപ്പെടാന് ശ്രമിച്ചെങ്കിലും ഇയാള്ക്ക് രക്ഷപ്പെടാനായില്ല. അറസ്റ്റിലായ അര്ജുനെ എറണാകുളത്ത് എത്തിക്കാനാണ് പോലീസിന്റെ നീക്കം.